सत्तारूढ दल नेकपाको सचिवालय बैठक बालुवाटारमा जारी ।

 

काठमाडौ / नेपाल कम्युनिष्ट पार्टी (नेकपा) को सचिवालय बैठक बालुवाटारमा सुरु भएको छ ।

प्रधानमन्त्रीको सरकारी निवास बालुवाटारमा सुरुभएको आजको बैठक गत शुक्रबार बसेको सचिवालय बैठकको नियमित बैठक हो । बैठकमा दुबै अध्यक्षकाे उपस्थिति रहेकाे छ ।

प्रधानमन्त्रीको सञ्चार विज्ञ रामशरण बजगाईका अनुसार बैठक निर्धारित समय १ बजे नै शुरुभएको छ । बैठकमा सचिवालयका सबै सदस्यहरुको सहभागिता रहेको उहाँले बताउनुभयो ।

गत शुक्रबार बसेको सचिवालय बैठकमा अध्यक्ष पुष्पकमल दाहाल प्रचण्डले १९ पृष्ठको लामो राजनीतिक प्रतिवेदन पेश गर्नुभएको थियो ।

राजनीतिक प्रतिवेदनसँगै अध्यक्षद्वय केपी शर्मा ओली तथा प्रचण्डले लेख्नुभएको छुट्टाछुट्टै पत्र पनि सचिवालयका सदस्यहरुलाई अध्ययनका लागि वितरण गरिएको थियो । आजको बैठकमा सोही विषयमा छलफल हुने बताइएको छ । त्यसको अतिरिक्त कोभिड १९ ले पारेको समस्या र साधानका विषयमा पनि छलफल हुने सचिवालयका सदस्यहरुले बताउनु भएको छ ।

 

तपाईको प्रतिक्रिया

सम्बन्धित समाचार