भीरबाट लड्नेलाई राम भन्न सकिन्छ काँध हाल्न सकिदैन: प्रधानमन्त्री ओली

काठमाडौँ / नेकपा अध्यक्ष एवम् प्रधानमन्त्री केपी शर्मा ओलीले पुष्पकमल दाहाल प्रचण्डलाई अब काँध हाल्न नसक्ने बताएका छन् । नेकपा ओली समुहले शनिबार विराटनगरमा आयोजना गरेको आमसभालाई सम्बोधन गर्दै न‍ेकपा अध्यक्ष ओलीले दुई/चार सिटमा सीमित हुन लागेका दाहाललाई आफूले ठूलो बनाए पनि गलत बाटो हिँडेकाले अब काँध नथाप्ने टिप्पणी गरेका हुन् ।

दाहालले राजनीतिमा गलत बाटो छानेको उनको नियति अब असफलता मात्रै रहेको ओलीले दाबी गरे । ‘सिद्धिइसकेको प्रचण्डलाई, २/४ सिटमा सीमित हुने प्रचण्डलाई ल्याएर मैले एउटा ठूलै जुरो हालिदिएको थिएँ । जुरो भएपछि अलिकति सिङ पनि हालिदिएको थिएँ । लामो सिङ भएपछि उहाँमा अहंकार चल्यो । उहाँले हामीलाई सिध्याउन खोज्नुभयो,’ ओलीले भने,’उहाँको नियति अब असफलता बाहेक केही छैन ।’

‘प्रचण्डजीको माया लाग्छ । पहिले उहाँसँग वैद्य हुनुहुन्थ्यो । वैद्यले छाड्नुभयो, डाक्टर लिनुभयो । उहाँले नि छाड्नुभयो, अहिले झाँक्री लिनुभयो । वैद्यबाट डाक्टर, डाक्टरबाट झाँक्री तर उहाँलाई अब झाँक्रीले बचाउन सक्दैन,’ ओलीले भने,’उहाले राजनीतिमा गलत बाटो छान्नुभयो । विकासको बाटोमा तगारो हाल्न खोज्नुभयो । नेपालको राजनीतिमा अब उहाँले सफलता पाउने सम्भावना छैन ।’

दाहाललाई पार्टीमा फर्कन आग्रह गर्दै उनले भने, ‘अझै पनि तपाईं फर्कन चाहनुहुन्छ भने फर्कनुहोस् । मिसिन हुन्न भने भीरबाट लड्नेलाई राम भन्न सकिन्छ काँध हाल्न सकिदैन । खिइँदै गएर सिधिने बाटोमा प्रचण्ड जानुभयो प्रधानमन्त्री ओलिले भन्नुभयो ।

तपाईको प्रतिक्रिया

सम्बन्धित समाचार