इजरायलमा एक धार्मिक समारोहमा भागदौड हुदा ४४ जनाको मृत्यु ।

 

एजेन्सी / उत्तर पूर्वी इजरायलमा एक धार्मिक समारोहका क्रममा भागदौडमा ४४ जनाको मृत्यु भएको छ ।

इजरालयको राष्ट्रिय संकटकालीन सेवा मेगान डेभिड अडोम (एमडीए)ले मृतकको एकिन संख्या उल्लेख नगरे पनि दर्जनौं घाइते भएको बताएको छ । द टाइम्स अफ इजराउलले कम्तिमा ४४ जनाको मृत्यु भएको र घाइतेहरुको उद्दार भइरहेको जनाएको छ ।

प्रधानमन्त्री बेन्जामिन नेतन्याहूले यसलाई गम्भीर क्षति भनेका छन् । उनले घटनामा हताहती भएकाहरुका लागि प्रार्थाना गरिरहेको बताएका छन् ।

माउन्ट मेरोन पहाडको फेदीमा आयोजित लेग बी’ओमार पर्वका लागि दशौं हजार यहुदीहरु भेला भएका थिए । इजरायलमा कोरोना महामारी सुरु भएयता पहिलोपल्ट सबैभन्दा धेरै मानिस एकै ठाउँमा जम्मा भएका हुन् ।

 

 

 

 

तपाईको प्रतिक्रिया

सम्बन्धित समाचार